Nemischa gaplarni o‘zbek tiliga tarjima qilishning o‘ziga xos xususiyatlari

Annotatsiya

Nemis tilli tarjimashunoslikda tarjima terminiga nisbatan Übersetzung va Dolmetschen so‘zlari ishlatiladi. Ularning birinchisi umuman tarjima haqidagi termin sifatida ham uzoq vaqt qo‘llanilib kelindi. Hozirda esa ko‘proq yozma tarjimaga nisbatan qo‘llaniladi. Keyingi so‘z esa, og‘zaki tarjimani ifodalaydi. Mazkur so‘z, aslida, nemis tiliga turkiy tillardagi tilmoch orqali kirib kelganligi mutaxasissislar tomonidan e’tirof etilgan. Shuni ham ta’kidlash kerakki, jahon tarjimashunosligida, xusususan, ingliz tilli tarjimashunoslikda keng qo‘llanilib kelinayotgan translation studies tushunchasi nemislarda ham Translation tarzida qabul qilinganligi va u umuman tarjima tushunchasi sifatida e’tirof qilinib kelinayotganligini ham aytib o‘tish joiz.